ଗୋଟିଏ ଅଟୋ ସହ ଜବତ ହେଲା ବିପୁଳ ପାରିମାଣର ନକଲି ଜର୍ଦ୍ଦା

ଭଦ୍ରକ: ଭଦ୍ରକରୁ ବିପୁଳ ପାରିମାଣର ନକଲି ଜର୍ଦ୍ଦା ଜବତ। ଅଟୋ ସହ ଦେଢ଼ କୁଇଣ୍ଟାଲ ନକଲି ଜର୍ଦ୍ଦା ଜବତକଲା ପୁରୁଣା ବଜାର ପୋଲିସ। ସୂଚନା ମୁତାବକ, ଗୋଟିଏ ଅଟୋରେ ଭଦ୍ରକର ଲାହାପଟି ଅଞ୍ଚଳରୁ ଯାଜପୁରକୁ ନକଲି ଜର୍ଦ୍ଦା ଚାଲାଣ ହେଉଥିଲା। ଏନେଇ ବିଶେଷ ସୂତ୍ରରୁ ଖବର ପାଇଥିଲା ପୋଲିସ। ଫଳରେ ଅଟୋକୁ ଯାଞ୍ଚ କରିବା ସହ ସେଥିରୁ ଦେଢ଼ କୁଇଣ୍ଟାଲରୁ ଅଧିକ ଜର୍ଦ୍ଦା ଜବତ କରିଛି। ଘଟରାରେ ଜଣେ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି ପୋଲିସ। ତେବେ ଏହି ଘଟଣାରେ ଆଉ କାର ସମ୍ପୃକ୍ତି ରହିଛି ସେ ନେଇ ଅଧିକ ତଦନ୍ତ ଚଳାଇଥିବା ପୋଲିସ କହିଛି।